Në Gjykatën Themelore të Prishtinës pritet që sot të shpallet aktgjykimi ndaj ish-punëtores së OSBE, Jelena Gjukanoviq, e akuzuar për veprën penale të spiunazhit.
Gjatë fjalës përfundimtare, Prokuroria ka kërkuar dënimin maksimal prej 25 vjetësh burgim për këtë rast.
Shpallja e aktgjykimit ndaj Gjukanoviqit pritet të bëhet në orën 13:00.
Më 4 shtator të vitit të kaluar Prokuroria Speciale ka ngritur aktakuzë për spiunazh ndaj ish zyrtares së OSBE-së në Kosovë, Jelena Gjukanoviq.
Sipas Prokurorisë, ajo siguroi e shpërndau informacione të ndjeshme tek BIA serbe, të cilat cenonin rendin kushtetues dhe sigurinë kombëtare të Kosovës.
Ajo u arrestua më 28 shkurt 2025.
