Sot do të fillojë gjykimi për vrasjen e Liridona Ademajt. Kështu ka bërë të ditur vëllai i saj, Leonard Ademaj, duke thënë se si familje, besojnë në drejtësi.
Seanca pritet të fillojë nga ora 11:00.
“Ne si familje besojmë në drejtësi dhe shpresojmë që gjykimi do të jetë efikas, profesional, pa gabime, pa vonesa dhe transparent”, ka shkruar tutje ai.
Prokuroria Themelore e Prishtinës më 15 janar 2025 ka ngritur aktakuzë, pas një viti për rastin e vrasjes së Liridona Ademajt.
Në lidhje me vrasjen e Liridona Ademajt po akuzohen Naim Murseli, ish-bashkëshorti i Liridona Ademajt, Kushtrim Kokalla e Granit Plava.
