Disa nga komisionet parlamentare të Kuvendit të Kosovës do të kenë mbledhje sot.
Komisioni për Shëndetësi dhe Mirëqenie Sociale do të mbajë takim me përfaqësueset e Shoqatave ,, Renesanca” dhe ,,Jeta/Vita’’.
Pastaj duke filluar nga ora 10:00 komisioni për Arsim, Shkencë, Teknologji, Inovacion, Kulturё, Rini dhe Sport shqyrton Programin Kombëtar të Shkencës 2023/2028.
Kurse Komisioni për Shëndetësi dhe Mirëqenie Sociale, mban dëgjim Publik për Projektligjin nr.08/L-212 për shëndetin riprodhues dhe fertilizim të asistuar mjekësor duke filluar nga ora 11:00.
Ndërsa, Komisioni për Mbikëqyrjen e Financave Publike, bën shqyrtimin e raportit të auditimit për pasqyrat financiare vjetore të Radio Televizionit të Kosovës, për vitin e përfunduar më 31 Dhjetor 2022. Të ftuar janë bordi i RTK-së dhe Drejtori i Përgjithshem i RTK-së.
Ndërkaq Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit, bën shqyrtimin e propozim vendimit të Qeverisë me kandidatët për anëtarë të Komisionit për dhënien e Provimit të Jurisprudencës.
Po ashtu formohet grupi punues për Projektligjin për falimentimin dhe formimi i grupit punues për shqyrtimin e aplikacioneve për anëtarë të Këshillit Gjyqësor të Kosovës.
