Sot, në Gjykatën Themelore të Gjakovës, do të mbahet seanca e radhës gjyqësore lidhur me rastin e vrasjes së dy vëllezërve, Blerim dhe Haxhi Islamaj, e cila ndodhi në qershor të vitit 2023.
Seanca do të nisë në orën 09:30.
Dy të akuzuarit për këtë vrasje, Gjergj Gjokaj dhe Zef Ademaj, tashmë janë paraqitur para gjykatës në një seancë të mëhershme, por të dy e kanë mohuar fajësinë për akuzat që rëndojnë mbi ta.
Gjergj Gjokaj, i cili po gjykohet si i pandehur, ka pranuar pjesërisht fajësinë vetëm për mbajtjen pa leje të armës, ndërsa ka mohuar përfshirjen në vrasjen e dy vëllezërve Islamaj.
Rasti kishte ndodhur më 24 qershor 2023. Njëri nga vëllezërit u gjet i vdekur në vendin e ngjarjes, ndërkohë që viktima tjetër u dërgua në spital pa shenja jete.
I dyshuari ishte arrestuar pak kohë pas ngjarjes.
