Sot do të mbahet edhe një seancë në përpjekje të konstituimit të Kuvendit.
Kjo do të jetë përpjekja e 21-të, që nga seanca e parë e mbajtur më 15 prill.
Seanca është paraparë të nis nga ora 11:00.
Në rend dite është zgjedhja e kryetarit të Kuvendit, ku e propozuar nga Lëvizja Vetëvendosje është Albulena Haxhiu.
Ajo deri tash nuk ka marrë votat e mjaftueshme për tu zgjedhur kryeparlamnetare.
PDK e AAK kanë kërkuar nga LVV të propozojë një emër tjetër, duke vlerësuar se Haxhiu nuk është figurë unifikuese. Ndërsa LDK ka thënë se nuk do ta votojë asnjë të propozuar nga Vetëvendosje.
Kurse nga partia fituese e zgjedhjeve të 9 shkurtit kanë thënë se Haxhiu mbetët e propozuara e tyre dhe se nuk do ta ndërrojnë.
Kryesuesi i seancës, Avni Dehari në disa seanca ka propozuar votim të fshehtë, gjë që është kundërshtuar nga partitë opozitare duke pamundësuar votimin e komisioni ad hoc. Ky propozim nga opozita po vlerësohet si shkelje e rregullores.
Nga LVV kanë thënë se ka deputetë nga pratitë tjera që do ta votonin Haxhiun përmes kësaj mënyre të votimit.
