Inciuesi i këtij peticioni, Adnan Jashari, ka thënë dje për Tëvë 1, se deri tani janë mbledhur rreth 21 mijë e 500 nënshkrime nga të gjitha qytetet e Kosovës, shkruan teve1.info
“Nesër kemi vendosur në orën 10 t’ia dorëzojmë Kuvendit të Kosovës, peticionet që i kemi grumbulluar në të gjithë Kosovën. Janë rreth 21 mijë e 500 nënshkrime. Nesër së bashku me vullnetarët që na kanë ndihmuar nëpër qytetet e tjera të Kosovës do t’i dorëzojmë në Kuvendin e Kosovës. Ne do t’i dorëzojmë në zyrën për parashtresa aty ku dorëzohen peticionet, pastaj do të shohim nëse do të na pret kryetari i Kuvendit apo ndonjë deputet. Nuk kemi informacione ende, por ne kemi vendosur që nesër t’i dorëzojmë. Presim prej tyre që të na presin dhe së bashku të dorëzojmë peticionin”, ka deklaruar ai.
Kujtojmë që deputetët e Kuvendit të Kosovës nuk votuar për projektligjin për tërheqjen e 30 % të mjeteve nga Trusti. Për këtë projektligj kanë votuar gjithsej 102 deputetë, prej tyre 44 pro, 57 kundër dhe 1 abstenim. /Teve1.info/
https://teve1.info/lajmet/2neser-dorezohet-ne-kuvend-peticioni-per-trustin-jashari-nisma-eshte-direkt-nga-qytetaret-e-jo-nga-deputetet/
