Shërbimi Korrektues i Kosovës (SHKK) zhvillon sot ceremoninë solemne të diplomimit të gjeneratës së 46-të të Trajnimit Profesional për Zyrtarë Korrektues.
Në këtë ceremoni do të diplomojnë gjithsej 100 kadetë, të cilët kanë përfunduar trajnimin profesional për ushtrimin e detyrës së zyrtarit korrektues.
Ceremonia do të mbahet në ambientet e Akademisë së Kosovës për Siguri Publike (AKSP) në Vushtrri, duke filluar nga ora 10:00.
Në ceremoninë solemne pritet të marrin pjesë përfaqësues të institucioneve të larta të Republikës së Kosovës, përfshirë kryeministri në detyrë, Albin Kurti, zëvendëskryeministrja dhe ministrja në detyrë e Drejtësisë, Donika Gërvalla, drejtori i Përgjithshëm të SHKK-së, Ismail Dibrani, si dhe Shpend Shabani, u.d. të drejtorit të Përgjithshëm të AKSP-së.
