Emisari i Bashkimit Evropian për dialogun Kosovë-Serbi, Peter Sorensen, ka shkruar rreth vizitës që zhvilloi dje në Kosovë, në përpjekje për ta ringjallur procesin e dialogut.
Sorensen u takua me kryeministrin në detyrë, Albin Kurti, Presidenten Vjosa Osmani dhe liderët e partive politike, Bedri Hamzën, Lumir Abdixhikun dhe Ramush Haradinajn.
Ai ka thënë se gjatë këtyre takimeve ka pasur diskutime të hapura mbi hapat e mëtejshëm në dialog, për t’u siguruar që sivjet të ketë rezultatet të prekshme në këtë këtë proces.
“Jam i lumtur që jam kthyer në Kosovë. Kam pasur takime të vlefshme dhe diskutime të hapura mbi hapat e mëtejshëm në dialogun e lehtësuar nga BE-ja, për t’u siguruar që viti 2026 të sjellë rezultate të prekshme për popullin e Kosovës. Angazhimi i vazhdueshëm mbetet thelbësor për përparimin drejt së ardhmes evropiane të Kosovës”, ka shkruar Sorensen në platformën “X”, teksa ka ndarë edhe fotografi nga takimet.
