Avokati Shkëlzen Sopjani ka reaguar ndaj deklarimeve të presidentes së Kosovës, Vjosa Osmani, të dhëna në një konferencë të fundit për media, duke e akuzuar atë për mungesë ndaj sistemit të drejtësisë dhe për relativizim të sulmeve që, sipas tij, po i bëhen Gjykatës Kushtetuese.
“Porosia më e keqe që dha në konferencë presidentja, e cila e ka obligim kushtetues dhe ligjor që t’i dalë në krah sistemit të drejtësisë dhe ta mbrojë atë, është relativizimi i sulmeve ndaj këtij sistemi, veçanërisht ndaj Gjykatës Kushtetuese,” ka deklaruar Sopjani.
Ai ka kujtuar edhe një rast të mëhershëm, kur sipas tij, presidentja e kishte sulmuar një gjyqtar të Gjykatës Kushtetuese, me qëllim të zvarritjes së procesit të formimit të institucioneve dhe të ruajtjes së individëve të caktuar në pozita qeverisëse “pa të drejtë”.
“Kjo nuk është hera e parë që po ndodh sepse para disa javësh u sulmua një gjyqtar i Gjykatës Kushtetuese nga presidentja me qëllim të kontributit të saj shtyrjen apo zhegitjen e themelimit të institucioneve dhe mirëmbajtjen së individëve të caktuar në pozita qeverisëse nëse mundem me thënë pa të drejtë”, tha ai.
Sipas Sopjanit, për më shumë se një vit Kosova është peng i partive politike pa dallim, të cilat, sipas tij, e kanë bllokuar vendin dhe po e mbajnë peng formimin e institucioneve me kapacitete të plota.
Ai gjithashtu shtoi se Kuvendi ende nuk është konstituuar, duke e konsideruar këtë një tjetër pasojë të krizës politike dhe institucional.
“Që një vit Kosova është peng i këtyre partive politike pa dallim, të njëjtit po e mbajnë peng këtë vend, Kosova është pa institucione stabile dhe pa institucione me kompetenca të plota, pra është në infuzion. Mesazhet e Vjosa Osmanit janë thjesht që populizmi po kryen punë dhe nuk është problemi te mirëqenia e shtetit vendit, por problemi është te popullzimi…….Kuvendi nuk është konstitua ende sepse për konstituim të Kuvendit kërkohen nënkryetarët dhe kryetarët”, ka deklaruar Sopjani./teve1.info/
