Sonte nga ora 20:30 mbahet gala mbrëmja ‘Rame Lahaj & Friends’ në sheshin “Skënderbeu” në Prishtinë.
Në skenën e ngritur në shesh të kryeqytetit, tenori kosovar do të shoqërohet nga Charles Castronovo, i njohur ndërkombëtarisht si një nga tenorët më të mirë të brezit të tij, si dhe Murat Karahan, yll i operës me mbi 50 role kryesore në të gjithë botën, i vlerësuar si “artisti më i suksesshëm operistik i vitit”.
Artistët do të shoqërohen në skenë nga Orkestra e Operës së Kosovës, e udhëhequr nga Maestro Sascha Goetzel.
