Sot zhvillohen edhe dy duele interesante në Kupën e Kosovës në basketboll.
Të dyja këto takime fillojnë nga ora 19:00, dhe mund ti ndiqni në platformën Telkos.
Në palestrën “Sezai Surroi” në Prizren, skuadra e Proton Cable Prizrenit është nikoqire e kampiones në fuqi, Trepçës.
Në këtë takim, skuadra nga Mitrovica shishet favorite në letër, por Prizreni di të jetë shpeshherë skuadër e papërshtatshme.
Të dyja ekipet pritet të janë të kompletuara për këtë sfidë, teksa gjatë pushimit e vetëm prizrenasit patën ndryshime në roster, teksa Trepça mbeti e pa prekur.
Dueli tjetër i kësaj mbrëmje zhvillohet në kryeqytet, saktësisht në palestrën “1 Tetori” në Prishtinë.
Skuadra e Bashkimit do të udhëtoj në Prishtinë ku do të përballen me Borën.
Bashkimi momentalisht është në formë të mirë, ku renditet në pozitën e dytë, ndërsa Borës nuk po i shkojnë punët mirë, pasi pas 9 dueleve ka vetëm një fitore.
Edhe në këtë duel pritet ndeshje e fortë dhe e luftuar, pasi një fitore eventuale e cilës do skuadër do të ishte një hap i madh drejt gjysmëfinales.
E fitore ditën e djeshme në çerekfinale të Kupës, arritën Peja dhe Vëllaznimi, me këta të fundit që ishin dhe një befasi e madhe.
Skuadra e Pejës e shfrytëzoi mirë terrenin vendas, duke mposhtur Prishtinën me rezultatin 74:71.
Me 23 pikë më efikasi ka qenë Tristan Ikpe, kurse veterani Dardan Berisha ishte në element me 16 pikë të shënuara.
Te Prishtina, më efikasi ishte Josh Nzakor me 22 pikë të shënuara.
Basketbollisti amerikan i Vëllaznimit, Michael Nuga, ka shënuar 39 pikë, ndërsa Vëllaznimi ka mposhtur Yllin me 18 pikë dallim në ndeshjen e parë çerekfinale të luajtur në “Shani Nushi” ku gjakovarët mposhtën Yllin, 100-82.
Pos Nugas me lojë të dalluar ishte edhe Jason Jitoboh me 21 pikë e 9 kërcime, teksa Yllit nuk i kanë mjaftuar 31 pikët e Quade Greenit, që bëri edhe 4 asistime e 4 kërcime.
Ndeshjet e kthimit të fazës çerekfinale, do të luhen javën e ardhshme.
