Tyson Fury është kthyer nga pensionimi dhe po shikon për meçin e tij të radhës, ndërsa ish-partneri i tij i sparingut po shpreson të jetë kundërshtari i boksierit britanik.
Ish-kampioni i botës në kategorinë e rëndë, Fury po shikon drejt luftës me Oleksandr Usykut apo Fabio Ëardleyt, mbajtësit aktualë të katër brezave kryesor, kah fundi i këtij viti.
Por, Fury nuk ka boksuar që nga viti 2024 dhe pritet ta ketë meçin e parë të kthimit në muajin prill kurse Agron Smakiqi është shprehur i gatshëm ta sfidojë britanikun.
Smakiqi është nga Kosova por me shtetësi kroate, ka një bilanc prej 21 fitoreve dhe tri humbje në boksin profesionit kurse e njeh mirë Furyn.
Pikërisht, Smakiqi ishte sparing partneri i boksierit britanik, që ia shkaktojë çarjen e vetullës duke bërë që meçi mes Furyt dhe Usykut, i paraparë të zhvillohej më 17 shkurt të vitit 2024 në Riad të Arabisë Saudite, të shtyhet.
“Gjithçka është e mundur pasi dua që të boksojë kundër Furyt dhe jam i gatshëm ta rrahu sërish”, ka thënë Smakiqi për “Sky Sports”.
Fury në 37 meçe si profesionist, ka regjistruae 34 fitore, 2 humbje dhe 1 barazim.
