Avokati, Xhevdet Smakiqi, thotë se qytetarët e Kosovës kanë treguar kulturë të lartë demokratike gjatë procesit të votimit në zgjedhjet e 9 shkurtit.
Por, që sipas tij, ndërhyrja e parë politike në zgjedhje ndodhi kur është marrë vendimi nga LVV-ja që të shkarkohet ish-kryetarja e KQZ-së, Valdete Daka.
“Në kohën kur LVV-ja erdhi në pushtet me Guxon, ata në mënyrë krejt kundër Kushtetueses e shkarkuan ish-kryetaren e KQZ-së, zonjën Valdete Daka. Kjo ishte ndërhyrja e parë, megjithatë më dhimbset procesi i votimit të 9 shkurtit, në të cilën qytetarët me pak traditë si 17 vjet shtet treguan kulturë të lartë demokratike… edhe përkundër që Kurti bënte një gjuhë helmuese dhe sulmonte me shtosa, vica e anekdota opozitarët, por edhe me ofendime pastaj”, tha ai në emision “Këndi i Debatit” në Tëvë1.
Ndërkaq, deklaron se gjatë 9 shkurtit ka pasur ndërhyrje politike nëpërmjet uebfaqes së KQZ-së.
“Por, integriteti i zgjedhjeve më 9 shkurt, është cenua një ditë para se të votohej, më 8 kur ka pasur raportime se ambasadori Martin Berishaj ka ndërhyrë për t’i tërhequr disa fletëvotime, dhe për fat të keq edhe pse jemi duke u monitoruar nga vëzhguesit ndërkombëtarë të BE-së, në mbrëmje qëllimshëm ka rënë platforma e KQZ-së, pra duke u ndërlidhur edhe me një rrenë të madhe që bëri zëdhënësi i Albin Kurti, zotëri Kryeziu… Pra, kemi një ndërhyrje politike në procesin e numërimit të votave”, deklaroi Smakiqi./teve1.info/
