Politologu, Avdi Smajljaj ka vlerësuar se vota e qytetarëve në zgjedhjet e 7 qershorit, ishte referendum ndaj të gjitha partive.
Ai ka thënë se ky proces ishte i njëjtë sikurse në vitin 2021, ku kishte një votë për ndëshkim dhe tani është votë për refuzim të gjitha partive politike.
“Përsëritje e shkurtit 2021, ku në atë kohë ishte një votë plebishitare për ndryshim, tani është votë për të refuzuar të gjitha partitë politike, sikurse nuk janë të kënaqur qytetarët as me partinë në qeverisje, por e kuptuan as opozita nuk është reformuar sa duhet. Ky është një lloj referendumi kudër të gjitha partive politike. Ishte vërtetë një votë që u kërkoi llogari të gjitha partive politike”, ka thënë ai në emisionin “Këndi i Debatit” në Tëvë1.
Në zgjedhjet e 7 qershorit pjesëmarrja e qytetarëve në zgjedhje ishte më e ulët se në ato të dhjetorit të vitit 2025.
Më 7 qershor votuan 36.33%, kurse më 28 dhjetor 2025, votuan 44.99% e qytetarëve me të drejtë vote.
