Politologu, Avdi Smajljaj duke folur për 15 pikat e propozuara nga kryetari i Lidhjes Demokratike të Kosovës, Lumir Abdixhiku, ka thënë se koha është për të marrë vendime dhe jo dhënë propozime.
Ai ka thënë se formimi i një qeverie të tillë më 15 pika është i vështirë, vespe mund të kundërshtohet nga partitë tjera.
“Mendoj që nuk është koha për të dhënë shumë propozime, por për të marrë vendime. Ndoshta më lehtë është që partitë të pajtohen për një pikë të caktuar se sa në 15 pika që janë të propozuara nga një parti, pika që pastaj mund të kontestohet edhe nga paritë tjera që është një prej treguesve që nuk do të propozohet nga partitë tjera”, ka thënë ai në emisionin “Këndi i Debatit” në Tëvë1.
Samajljaj ka thënë se një nga shkaqet që ky propozim po refuzohet është se ai vije nga partia e tretë që ka dalë në zgjedhje.
“Janë disa shkaqe që i shtyjnë partitë që të refuzojnë. E para është që propozimi vije nga partia e tretë që ka dal në zgjedhje, arsyeja tjetër është që partitë politike e kanë arrit atë kulmin e polarizimit dhe përderisa nuk merren vesh për një pikë që është kryetari i kk vështirë që do të merren vesh për të tjera”, tha ai.
Smajljaj ka thënë se një Qeveri e Uniteti nuk do të ishte efektive.
“Nuk do të jetë efektive sepse derisa të konstituohet do të vije koha që do të shpërbehej meqë është paraparë që do të shkohet në zgjedhje kur përfundon mandati i presidentit. Një qeveri e shkurtët nuk do të ofrojë zgjidhje”, ka thënë ai.
