Sulmuesi Astrit Selmani po shihet si përforcim i rëndësishëm te skuadra e Dinamo Bukureshtit.
Ekipi rumun pret që Selmani ta ndihmoj në luftën për mbijetesë, pasi synimi i Dinamos këtë edicion është ti shpëtoj rënies nga Superliga e Rumanisë.
Selmani para dhjetë ditësh iu bashkua Dinamos, ndërsa pritet të debutoj të premten në ndeshjen kundër Clujit. Dinamo, aktualisht zë vendin e parafundit në tabelë dhe shpresat i ka te Selmani, i cili në të shkuarën ka qenë pjesë e Kosovës.
26-vjeçari ka kontratë me skuadrën rumune deri në verë, ndërsa karrierë ka bërë në Izrael, Suedi e Danimarkë.
Te Dinamo kanë vetëm fjalë të mëdha për Selmanin, të cilin po e shohin si sulmuesin që i ka munguar ekipit këtë edicion. Selmani ka 5 paraqitje me Kombëtaren e Kosovës dhe 1 gol të shënuar.
