Policia e Kosovës i ka ofruar garanci Gjykatës Speciale, se i ka të gjitha kapacitetet e nevojshme, për të monitoruar ish-krerët e UÇK-së, në rast se Specialja vendos që atyre t’ua caktoj masën e arrestit shtëpiak ose t’i liroj me kusht.
Megjithatë, kjo garanci nuk e ka bindur Zyrën e Prokurorit të Specializuar, që edhe njëher tjetër ka kërkuar që ish-kryeparlamentarit, Kadri Veseli, t’i vazhdohet masa e paraburgimit.
“Paraburgimi mbetet proporcional. Në shqyrtimin e fundit të paraburgimit, ky Panel konstatoi se paraburgimi i Veselit për dy muaj të tjerë ishte i nevojshëm dhe i arsyeshëm në rrethanat specifike të çështjes. Më 13 maj 2025, gjatë vlerësimit të kërkesës së fundit të Veselit për lirim të përkohshëm, Paneli konfirmoi se paraburgimi i tij mbeti i nevojshëm dhe i arsyeshëm”, thuhet në grafikë.
Përkundër që dëgjimi i dëshmitarëve të Prokurorisë ka përfunduar, Zyra e Prokurorit i ka përdorur pothuajse arsyet e njëjta në kërkesën e saj që Veselit t’i vazhdohet paraburgimi.
“Sjellja e Veselit tani përfaqëson një rrezik kaq të lartë, jashtëzakonisht të lartë, saqë edhe kufizimet standarde të komunikimit dhe monitorimi i Qendrës së Paraburgimit nuk janë të mjaftueshme për ta zbutur atë, duke bërë të domosdoshme vendosjen e një regjimi edhe më të rreptë nga ky Panel. Prandaj, veçanërisht në lidhje me vazhdimin e gjykimit dhe zbulimin e mëtejshëm të dëshmitarëve, rreziqet themelore janë më të larta se kurrë”, thuhet tutje në grafikë
Në kërkesë, theksohet gjithashtu se Veseli ka tashmë informacione të ndjeshme në lidhje me dëshmitarët.
“Ai gjithashtu ka tani ose së shpejti do të ketë informacione të tjera të ndjeshme në lidhje me dëshmitarët dhe provat që mbrojtësi i viktimave propozon t’i thërrasë si pjesë e çështjes së tij. Veseli është në dijeni edhe për dëshmitë e sjelljes që kanë modifikimin e nevojshëm të kushteve të tij të paraburgimit. Të gjitha më sipër duhet të merren parasysh në lidhje me gjetjet e mëparshme në lidhje me mjetet e Veselit për të udhëtuar. Kombinimi i të gjithë këtyre faktorëve ngrenë rrezikun e ikjes së Veselit duke bërë atë një “mundësi mjaft reale””, thuhet në përfundim të grafikë
Që prej kur janë transferuar në Hagë, ish-krerët e UÇK-së në vazhdimësi kanë kërkuar lirim të përkohshëm.
