Ai këto deklarata i ka bërë gjatë prezantimit të projektit të Portit të ri tregtar të Durrësit në Porto Romano.
Rama arsyetoi mungesën e Kurtit në këtë aktivitet duke thënë se nuk ka mundur të marrë pjesë për shkak të zhvillimeve në veri të Kosovës.
“Në rastin e kryeministrit të Kosovës e merrni vetë me mend që pamundësia është e lidhur me situatën e krijuar së fundmi në veriun e Kosovës. Situatë në të cilën qeveria e Republikës së Kosovës dhe Republika e Kosovës kanë të gjithë solidaritetin, mirëkuptimin dhe mbështetjen e qeverisë tonë dhe Republikës së Shqipërisë”, tha Rama.
Rama ka reaguar edhe të dielën për zhvillimet në veri duke dënuar dhunën atje.
Ai poashtu ka mirëpritur thirrjet e SHBA-së dhe Britanisë së Madhe për largimin e barrikadave në veri.
Në veri të shtunën janë vendosur barrikada në disa rrugë lokale, ndërsa që ka pasur shpërthime me shok-bombë në disa lagje. Poashtu me shok-bombë është sulmuar edhe një patrull e EULEX-it, kurse kanë ndodhur dy sulme me armë zjarri ndaj Policisë së Kosovës, ku një polic është lënduar lehtë.
Këto veprime janë bërë pas arrestimit të ish-policit të Kosovës, Dejan Pantiq nën dyshimet për përfshirje në sulme kundër zyrtarëve të Komisionit Qendror të Zgjedhjeve në veri të Kosovës dhe atyre policorë
/teve1.info/
