Ambasada e Kosovës në Izrael u ka bërë thirrje për kujdes të shtuar për të gjithë qytetarët e Republikës së Kosovës që ndodhen në këtë shtet, duke kërkuar që ata të ndjekin me vëmendje njoftimet zyrtare dhe të zbatojnë udhëzimet e sigurisë të autoriteteve vendase.
Në një njoftim të publikuar, Ministria e Punëve të Jashtme dhe Diasporës, bashkë me Ambasadën e Kosovës në Izrael, po monitorojnë nga afër zhvillimet aktuale dhe situatën e sigurisë.
Ambasada ka konfirmuar se është në dispozicion të plotë për qytetarët e Kosovës dhe po qëndron në kontakt të vazhdueshëm me autoritetet përkatëse vendore.
Për çdo rast urgjent, qytetarët e Republikës së Kosovës që ndodhen në Izrael mund të kontaktojnë në numrin: +972 586 340450./teve1.info/
