E ardhmja e kampionit të Kupës së Botës, Kylian Mbappé është afër zgjidhjes, por gjendja e negociatave kërkon ende pak durim shtesë.
Logjika më e mundshme tregon për nënshkrimin me Real Madrid, megjithëse versionet e palëve ndryshojnë për situatën aktuale.
Në klubin mbretëror, nuk ka dyshim për këtë çështje: janë të sigurt se Mbappé do të luajë te Real Madrid nga kjo verë. Megjithatë, disa zëra shpjegojnë se marrëveshja nuk është mbyllur plotësisht dhe se ende duhet të punohet në aspekte të ndryshme.
Njëra prej tyre është ajo ekonomike, ku distanca nga njëra skuadër në tjetrën është ende e jashtëzakonshme. E paqartë është edhe situata e futbollistit, ose të paktën kështu reflekton ai në media. Duke folur për MARCA, madrilenët mohojnë raportet se Mbappé ka zgjedhur të qëndrojë në PSG dhe se mbetet të shihet se kur do të shpallë vendimin e tij final.
Ata këmbëngulin se nuk ka pasur një zgjedhje përfundimtare, duke pranuar se Real Madrid “i ka të gjitha mundësitë”.
Në dhomën e zhveshjes së skuadrës së parisiene janë ende në pritje, pa e hedhur poshtë idenë se numri ‘7’ do të rinovojë.
