Tenisti italian Jannik Sinner do të përballet me Alexander Zverevin në finalen e Australian Open, pasi kampioni në fuqi mposhti Ben Shelton në tre sete në Melburn.
Numri një në botë, Sinner, realizoi fitore të shpejt e pa probleme në tre sete, 7-6, 6-2 dhe 6-2 ndaj amerikanit Shelton në Rod Llever Arena – skena ku ai fitoi titullin e tij të parë të madh, 12 muaj më parë.
Më herët të premten, Novak Gjokoviq, u detyrua të tërhiqej pasi humbi setin e parë kundër numrit dy në botë, Zverev.
Zverev, i cili ende synon të fitojë titullin e tij të parë të madh pas humbjes në dy finalet e mëparshme, tani përballet me një detyrë të vështirë kundër Sinnerit në formë të shkëlqyer në finalen e së dielës.
“Ne kemi pasur disa ndeshje të vështira në të kaluarën. Çdo gjë mund të ndodhë,” tha Sinner, i cili ka humbur katër nga gjashtë përballjet e tij me Zverev.
