Kur u dërgua në Kuvend, nuk u votua nga partia në pushtet, Lëvizja Vetëvendosje.
Ligji për pensionim të parakohshëm të zyrtarëve policorë në moshën 55-vjeçare i iniciuar nga opozita nuk gjeti përkrahje nga pushteti.
Por nga kjo e fundit, u tha se do të bëhet një projektligj tjetër i cili rregullon pensionim për të gjitha kategoritë, jo vetëm për policinë.
Por, nga Sindikata e Policisë së Kosovës nuk po e pranojnë një gjë të tillë.
Kryesindikalisti, Imer Zeqiri tregon kërkesat e tyre që i kanë për t’u përfshirë në këtë projektligj.
Kjo gjë po kundërshtohet edhe nga anëtari i Komisionit për Siguri dhe Mbrojtje, Hisen Berisha.
Ndryshe, nga kjo Sindikatë është kërkuar vazhdimisht miratimi i një Ligji të tillë, për shkak se një numër i madh i zyrtarëve të shtyrë në moshë nuk janë të aftë për t’i kryer si duhet detyrat e tyre.
Përpos kësaj, muajve të fundit policët kanë shfaqur pakënaqësi tjera edhe me Ligjin e Pagave, ku nuk po u paguhen shtesat për rrezikshmëri gjë e cila ka çuar edhe në dorëheqje të disa prej tyre.
