Sindikata e Re e KEK-ut, i ka bërë thirrje Qeverisë së Kosovës që të investojë në minierën Trepça për t’i përmirësuar sa më parë kushtet e minatorëve.
Teksa kanë shprehur shqetësimin e tyre për ngjarjen e ndodhur, ata kanë shkruar se një shembull konkret i investimit, mund të përfshijë modernizimin e mjeteve dhe pajisjeve të minierës për të rritur efikasitetin dhe sigurinë.
“Minatorë të nderuar, Dëshiroj t’ju shpreh shqetësimin lidhur me lendimet dhe uroj shërim të shpejtë pas shpërthimit të acidit sulforik në Minierën e Trepçës. Kjo është një ngjarje e trishtueshme, dhe dua të shpreh solidaritetin tim me ju dhe familjet tuaja. Gjithashtu, është e rëndësishme që Qeveria e Republikës së Kosovës të ndërmarrë hapa të menjëhershëm në investime të përmirësuar në pajisje të punës për ju. Trepça Sh.A është një burim i rëndësishëm për ekonominë dhe mund të arrinte potencialin e plotë nëse pajiset me teknologjinë dhe pajisjet e nevojshme të kohës së sotme. Një shembull konkret i investimit mund të përfshijë modernizimin e mjeteve dhe pajisjeve të minierës për të rritur efikasitetin dhe sigurinë. Përvoja juaj personale është korniza që duhet të udhëhiqet, duke siguruar që secili minator të ketë mjete të sigurta dhe mjedise të sigurta pune”, thuhet në postimin e tyre.
Më tej, Sindikata e Re e KEK-ut, kanë shkruar se në këtë periudhë sfiduese, minatorët e lënduar duhet ta kenë mbështetjen e nevojshme për të kapërcyer sfidat.
“Ju uroj shërim të shpejtë dhe forca për të kaluar këtë moment të vështirë”, thuhet në përfundim të komunikatës./teve1.info/.
