“Realisht jo, realisht jo, po me takimet që kemi pas, dy- tre takime me Këshillin Gjyqësor edhe Ministrinë e Drejtësisë ne kemi marrë disa zotime, nga ana e Ministrisë se ligji për administratën respektivisht koncept-dokumenti për administratën e gjykatave dhe prokurorive veç ka fillu të punohet, gjë që edhe dje e pardje kanë pas takim grupet punuese në të cilat ka prezantu edhe shoqata sindikale me bartësit, do të thotë veç ka fillu të amandamentohet”, tha Rrustemi në emisionin “De Jure” në Tëvë1.
Ndërsa, për kërkesat tjera, Rrustemi ka thënë se me takimin që e kanë mbajtur me kryesuesin e Këshillit Gjyqësor, Albert Zogaj dhe me Enver Pecin, kryetar i Gjykatës Supreme, iu është ofruar mbështetje dhe kohë.
“Natyrisht ata na kanë ofru gjithmonë mbështetje, mirëpo kanë kërku sinqerisht edhe mirëkuptim nga ne t’iu dhamë hapësirë edhe institucioneve relevante edhe atyre qendrore, hapësirë që të dalin ma mirë”, është shprehur ai.
Nëse këto kërkesa nuk plotësohen brenda një afati prej 5-6 muajsh, Rrustemi ka thënë se do ta vazhdojnë grevën dhe në këtë linjë thotë të jetë edhe kryesuesi Zogaj.
“Natyrisht edhe kryesuesi është deklaru edhe na ka mbështet se nëse nuk dalim mirë edhe me paga edhe me koficienta unë do t’iu përkrah ndoshta edhe në greva. Natyrisht ai ka kërku që administrata e gjykatave dhe prokurorive të balancohen me pagat e administratës të Gjykatës Kushtetuese dhe të Kuvendit të Republikës, prandaj nëse dalim keq hipotetikisht po them që edhe ne s’do të donim, atëherë e vetmja mundësi do të ishte prapë ndoshta aktivizimi i grevës, se greva është pezullu nuk është ndërpre, të jemi të qartë”, ka deklaruar ai.
Për më shumë, ndiqeni emisionin “De Jure” me temën “Paqartësitë e grevës në sistemin e drejtësisë”, i cili transmetohet në Tëvë1 dhe “Betimi për Drejtësi”./Tëvë1/
