Këshilltarja e kryeministrit Albin Kurti për Preshevë, Medvegjë dhe Bujnoc, Ardita Sinani, i ka bërë thirrje shqiptarëve me të drejtë vote që të dalin në zgjedhje.
Sinani tha se shqiptarët duhet të votojnë pavarësisht diskriminim, shtypjes e shkeljes sistematike nga Beogradi Zyrtar.
“Ftoj të gjithë qytetarët e Luginës së Preshevës që masivikisht të shfrytëzojnë të drejtën e tyre të votës. Pavarësisht diskriminimit të vazhdueshëm, shtypjes masive, shkeljes sistematike e cila i bëhet shqiptarëve të Luginës së Preshevës nga Beogradi zyrtar. Ne duhet të shfrytëzojmë të drejtën tonë për tl përfaqësuar, për të deliguar njerëzit e duhur, njerëzit cilësor të cilët mbrojnë interesat e qytetarëve të Luginës”, tha ajo në prononcimin për media.
Tutje, ajo tha se në orët e para të procesit të votimit ka pasur përqindje të vogël të qytetarëve që kanë dalë për të votuar.
“Përqindja deri pak më përpara ka qenë më e ulët, sidomos në Komunën e Preshevës është një praktikë që deri në orën 12:00-13:00, edhe në zgjedhjet lokale ka qenë njëjtë. Pas orës 13:00 shtohet dalja. Ne presim rezultate konkrete dhe presim rezultate të mira”, tha ajo./teve1.info/
