Kjo shkronjë u kthye shpejt edhe në simbol të mbështetjes së luftës së Putinit ndaj ukrainasëve.
Grafite të tilla u panë edhe në disa pjesë të veriut të Kosovës.
Ky simbol ndodhet përveçse në tabela, edhe në mure ndërtesash, e vende tjera.
E këto veprime nuk po i duken normale banorit të këtushëm, Osman Xheva.
“Qytetarët e kanë vërejte se nuk është gjendja normale qysh duhet me kon, me një lloj pasigurie, nuk o pasiguri e plotë, por apet diqysh po kalohet.’’
Grafitet janë shqetësuese është edhe për Drejtuesin e Institutit për Afirmimin e Marrëdhënieve Ndëretnike, Fatmir Shehollin.
“Serbët në veri të Kosovës janë duke pranuar ftesa për mobilizim nga Ministria e Brendshme dhe ushtria e Serbisë. Ky fakt është shqetësues ngase këta janë qytetarë të rp së KS. Dhe organet e Serbisë po ju dërgojnë ftesa për mobilizim që të marrin detyra dhe obligime qytetarët serbë prej tyre për mobilizim të çuditshëm, të paarsyeshëm, të palogjikshëm edhe në fundament i rrezikshëm”, thotë Sheholli për TëVë1.
Ai ka shtuar se mund të ndodhin edhe gjëra të tjera që serbët të fillojnë të destabilizojnë atë pjesë në përpjekje të asaj që ata e kanë qëllim të vetin.
Në veri të Mitrovicës disa qytetarë serbë patën organizuar edhe protesta në mbështetje të agresionit rus.
Kronika e realizuar nga gazetarja, Albiona Hajdari
