Thirrjet të hënën nuk po i ndalën.
Të shumtë ishin ata që ia uruan ditëlindjen, kameramanit të Associated Press, Sylejman Kllokoqit.
Por, këtë ditë, e bëri më të veçantë edhe një ngjarje tjetër.
Të hënën, Kllokoqi i përmbylli 45 vjet karrierë si kameraman.
Prandaj, kameramani i shtatë luftërave thotë se ka nevojë të mësohet me jetën larg profesionit.
“Kam nevojë me kalua një muaj që t’i tregoj vetës se je në pushim, mos i shiko lajmet, mos shiko po pusho, se askush nuk të therret në telefon, askush nuk të dërgon diku”, ka thënë Kllokoqi.
Kllokoqi ishte nga kameramanët e parë që arriti në Reçak pas masakrës.
Ndërsa pamjet që i mori këtu, u transmetuan në gjithë botën përmes Associated Press.
Por, ishin vet pamjet e Kllokoqit në një masakër tjetër, të cilat e sollën ish-ambasadorin e OSBE-së në Kosovë, Ëillam Ëalker.
“Masakra e Abrisë ku është nëna e shtrirë dhe bebat me cuclla në gojë, ka qenë fotografi aq e fuqishme në botë saqë u bë takimi në Kombet e Bashkuara e më pas erdhi misioni i OSBE-së në krye me Ëalkerin. Aty kam hyrë nëpër plumba, ka qenë vështirësia më e madhja e imja”, u shpreh tutje Kllokoqi.
Këto pamje bën që Kllokoqi të përfundonte në duart e sigurimit shtetëror serb.
“Sigurimi shtetëror më thirrën edhe me rrahën, kërkonin që unë të them që ata dy fëmijë kanë qenë kukulla, por unë nuk ua thashë. Tentuan me rrahjen e parë, të dytën, por unë nuk ua thashë”, ka theksuar Kllokoqi.
Për Tëvë1, Kllokoqi ka zbuluar momentin më të rëndë që e përjetoi në terren.
Bëhet fjalë për incidentin në Krivenik të Hanit të Elezit në marsin e vitit 2001, kur Producenti britanik, Karem Laëton, ndërroi jetë në duart e tij.
“Vështirësinë më të madhe që e kam pasur, është në kufirin me Maqedoninë, 3 km brenda Kosovës, kemi shkuar pa frikë, kur më është vrarë producenti im, Kerem (Laëton). Ai më ka vdekur në duart e mia, në veturë duke e dërguar në spital veç dha shpirt”, ka thënë Kllokoqi.
Vetëm 5 vite me vonë, Kllokoqi u gjet i vetëm para dyerve të qëndres së paraburgimit në Sheveningnen të Hagës.
Kjo meqë redaksia ku po punonte, kishte marrë lajmin se kasapi i Ballkanit, Slobodan Millosheviq, kishte vdekur.
“Unë kisha arritur aty para policisë, pas 10 minutave erdhën policia e po i vendosin shiritat, i mora pamjet. Bile bëja shaka, sepse BBC thoshte po lidhemi me AP-në, unë iu thosha thoni po lidhemi me Sylën, se veç një pullë e preki dhe iu shkatërroi. Diku 2-3 orë e kam mbajt live-n vet në gjithë botën”, ka përfunduar Kllokoqi.
Përveç luftërave në Ballkan, Kllokoqi mbuloi edhe luftimet ne Bejrut e Ukrainë.
