Sigal Prishtina ka shënuar fitore në ndeshjen e parë të vitit 2025, pasi ka triumfuar në udhëtim te Proton Cable Prizreni.
Në duelin e luajtur në Prizren, të enjten mbrëma, Prishtina fitoi me shifrat 101:85 në ndeshjen që i takoi xhiros së 15-të.
Proton Cable Prizreni e nisi mirë ndeshjen dhe e fitoi çerekun e parë (24:18), por pastaj Prishtina u rikthye për ti fituar tre çerekët tjerë për fitoren e shtatë këtë sezon.
Tani, Prishtina ka 22 pikë, tri më shumë se Proton Cable Prizreni që mbetet i fundit në tabelë.
Gjashtë basketbollistë të Prishtinës, e mbyllën ndeshjen me pikë dyshifrore kurse Josh Nzeakor (19) e Cory Reeves (18) ishin më efikasit.
Te skuadra nga Prizreni, u veçua Lenzelle Smith me 25 pikë, i ndjekur nga Kwame Vaughn me 24 sosh por që nuk mjaftuan për të evituar humbjen.
