KB Sigal Prishtina me anë të një postimi në rrjetet sociale ka paralajmëruar se sezoni 2025/26 në basketbollin kosovar, do të jetë sezon i saj.
Skuadra nga kryeqyteti të dielën ka bërë një postim të shkurtër duke bërë me dije se po përgatitet për transferimet dhe kompletimin e ekipit në kohë.
Në fakt, Sigal Prishtina është pothuajse ekipi i vetëm në Superligën e Kosovës në basketboll që nuk ka bërë asnjë lëvizje.
Nuk ka trajner për sezonin e ri dhe po ashtu nuk dihet me cilët lojtarë vendor do të jenë pjesë e Sigal Prishtinës.
“Le të jetë ky sezoni ynë, Forca Bardhekaltër”, ka postuar Sigal Prishtina.
