Pas Pejës edhe Sigal Prishtina ka mësuar kundërshtarët me të cilët do të përballet në sezonin e ri të Ligës ENBL.
Për dallim prej Pejës që do të debutojë në këtë ligë, për Prishtinën kjo është hera e dytë që paraqitet në ENBL.
Të hënën është hedhur shorti për sezonin e ri, ku skuadrat do ti luajnë nga tetë ndeshje, katër në shtëpi dhe katër në udhëtim.
Faza e ligës nis më datën 23 shtator dhe përfundon në muajin prill të vitit të ardhshëm.
Kundërshtarët e Sigal Prishtinës në sezonin e ri, janë: Opava (Çeki), Brussels Basketball (Belgjikë), Slovan Bratislava (Sllovaki), Tindastoll (Islandë), Keila Coolbet (Estoni), Manchester Basketball (Britani) dhe një ekip tjetër që do të përcaktohet më vonë.
