Pas përforcimeve vendore, KB Sigal Prishtina është forcuar edhe me një lojtar të huaj.
Bëhet fjalë për amerikanin Kahlil Dukes, të cilin e prezantoi të mërkurën, një ditë pas zyrtarizimit të Jon Ismajlit e Arbër Sinanit.
Dukes 30-vjeçar luan në pozitën e fundorit, ndërsa te Sigal Prishtina po shihet si përforcim i madh, duke pasur parasysh përvojën e tij në Evropë.
Së fundmi, Dukes ka luajtur në Superligën e Hungarisë, ndërsa karrierë ka bërë edhe në Bullgari, Francë, Gjermani, Poloni, Rusi e Turqi.
Me fanellën e skuadrës hungareze, Aromeromu, amerikani Dukes ka pasur një mesatare për 10 pikëve, 3 kërcimeve e 4 asistimeve për ndeshje.
Dukes pritet të debutojë te Sigal Prishtina të enjten mbrëma kundër Vëllaznimit në kuadër të Kupës së Kosovës.
