Sigal Prishtina është ekipi i vetëm në Superligën e Kosovës në basketboll që nuk di për humbje kampionale në vitin 2025.
Në shtatë ndeshje të luajtura në kampionat, Sigal Prishtina ka po aq fitore dhe këto rezultate kanë bërë që klubi të ndihet gati për pjesën me të nxehtë të sezonit.
“Seri fitores 7/7 në Superligë, çdo kundërshtar i mposhtur. Muaji i ardhshëm na pret me sfida të shumta, andaj me angazhim maksimal dhe përkrahjen tuaj në tribuna, çdo sfidë është e kalueshme”, ka shkruar Prishtina në Facebook.
Aktualisht, Prishtina është e treta në tabelë me 34 pikë të mbledhura, sa i kanë edhe Trepça e Bashkimi në dy pozitat e para, por janë me nga një ndeshje më pak të luajtur.
