Policia e Kosovës ka dhënë detaje të reja se si ka ndodhur plagosja e policit, të dielën në Fushë-Kosovë.
Policia thotë se zyrtari policor jashtë detyrës si kalimtar rasti është plagosur nga dy grupe që kishin mosmarrëveshje mes vete.
Ndërkohë, ai është dërguar për tretman mjekësor në QKUK, ku nga atje për Tëvë1 kanë bërë të ditur se tashmë gjendja e tij është stabile dhe jashtë rrezikut për jetë.
Lidhur me rastin, në raportin ditor është bërë e ditur se janë intervistuar dy persona, të cilët janë liruar pas konsultimit me prokurorin, derisa një i dyshuar tjetër është arratisur nga vendi i ngjarjes.
“Njësitet policore me urdhër të prokurorit kanë kryer bastisje në lidhje me rastin, por nuk kanë gjetur asgjë të dyshuar. Në konsultim me prokurorin, janë iniciuar veprat e cekura penale, ndërsa njësitet policore janë duke hetuar rastin”, thuhet në njoftim./teve1.info/
