Insektet vijnë gjithmonë paftuar në shtëpitë dhe kopshtet tona duke shkaktuar shumë dëme. Ato mund të eliminohen lehtë falë mënyrave të mëposhtme të rekomanduara nga AgroWeb.org
Solucion spërkatës me hudhër dhe mente
Ekspertët sugjerojnë përzierjen e disa gjetheve të mentes me thelbinj hudhre në një mikser.
Më pas shtoni pak spec djegës dhe një pikë sapuni të lëngshëm.
Të gjithë tretësirën mund ta zieni dhe ta lëni në temperaturë ambienti për gjithë natën.
Më pas hidheni në një shishe spërkatëse dhe atë mund ta përdorni në të gjitha bimët dhe barishtet që mbani në vazo në shtëpi apo në kopësht.
Llumi i Kafesë
Insektet urrejnë kafenë dhe aromën e saj. Milingonat në veçanti janë tepër të ndjeshme ndaj kafesë dhe llumit të saj.
Këtë të fundit mund ta përdorni duke hedhur nga pak në zonat e shtëpisë të infektuara nga insektet.
Merimangat e Pluhurit
Këto të fundit janë përgjegjëse për shumë probleme që i kanosen lëkurës por edhe frymëmarrjes.
Për pastrimin e ajrit dhe të shtretërve mund të përzieni fara karafili dhe një vaj esencial siç është ai i lavandës, nenexhikut apo rozmarinës.
Tretësirën hidheni në një shishe spërkatëse dhe më pas me të spërkatini shtretërit dhe ajrit.
Aroma e tyre do të eliminojë këto merimanga. Ndërkohë, borziloku dhe bari i bletës janë një kombinim fantastik jo vetëm kundër merimangave por edhe kundër morrave.
Speci i kuq djegës për bimët
Specin e kuq djegës mund ta përdorni për të gjitha bimët e rrezikuara nga insektet.
Mjafton të tresni 3 lugë gjelle me spec djegës pluhur në mbi 3 litra ujë dhe t’i zieni së bashku për 15 minuta.
Më pas lëreni enën mënjanë për 24 or dhe të nesërmen hidhni disa pik sapun të lëngshëm.
Me të spërkasni bimët që t’i mbroni ato sa më mirë.
Uthulla e mollës kundër mizave
Uthullën e mollës mund ta përdorni për tu ngrejtur kurth mizave bezdisëse.
Mjafton të prisni një shishe plastike dhe pjesën e grykës ta vendosni përmbys mbi pjesën e poshtme të shishes në të cilin duhet të hidhni copa molle dhe uthull molle.
Mizat do të ngecin në fund të shishes së prerë dhe nuk do të dalin dot./AgroWeb.org
