Brenda një seancë të Kuvendit u miratuan dhjetë projektligje.
Kështu me tre prill, driten e gjelber në lexim të parë e morën ligji për çmimet tavan, ai për sigurimet shëndetësore, për lojërat mesdhetare e ai banim social e të përballueshëm.
Pavarësisht kësaj, po vlerësohet se nuk është ndjekur si duhet mënyra e procedimit të tyre.
“Përmbushja e agjendës legjislative ka lënë për të dëshiruar shumë, në dy aspekte. Edhe në aspektin e e mosrealizimit, përkatësisht mospërmbushjes së kësaj. Mirëpo, edhe kemi pa edhe në masë të konsiderueshme përjashtim nga rregullat procedurale, gjë e cila natyrisht në bindjen time e dëmton tejmase procesin e hartimit dhe finalizimit të legjislacionit dhe kualitetin e tyre”, ka thënë Bajraktari.
Por, jo krejt projektligjet e parapara për muajin mars, arritën në Kuvendin e Kosovës.
Sipas agjendës legjislative ishin paraparë që të votohen edhe projektkodi civil, projektligji për arsim dhe aftësim profesional, si dhe ai për byronë për verifikimin dhe konfiskimin e pasurisë së pajustifikueshme.
Mirëpo, asnjëri prej tyre nuk u hodh në votim.
E njohësit e ligjit, thonë se është e rëndësishme të zbatohen afatet e parapara për finalizimin e nismave ligjore.
Programi legjislativ i Qeverisë Kurti III për periudhën 2026-2028, ku paraparë 175 nisma ligjore, ku secila prej tyre e ka afatin e caktuar kohor për miratim.
