Hidhni një sy përreth jush dhe do të shihni sytë e shumë njerëzve të ngjitur në ekranet e telefonit të tyre.
Mediat sociale, kontrollimi i emailit tuaj, njoftimet e lajmeve dhe më shumë: ato po vrasin kreativitetin tuaj. Jo vetëm kreativiteti ‘artistik’, por edhe kreativiteti që ju nevojitet për zgjidhjen e problemeve dhe të menduarit jashtë kutisë.
Ka shumë arsye për të dashur telefonat tanë inteligjentë: Ata janë kamera dhe DJ, ata na lejojnë të mbajmë kontakte me familjen dhe miqtë, ata na tregojnë për trafikun dhe motin, ata ruajnë kalendarët tanë dhe listat e kontakteve dhe kanë përgjigjet për çdo pyetje.
Megjithatë, ka një anë tjetër të saj.
Telefonat tanë ndikojnë negativisht te shëndeti fizik (probleme me qafën/sup/shpinën, shumë pasivitet), te gjumi, te shëndeti mendor (depresioni, ankthi dhe vetmia), te aftësia për të menduar thellë.
Telefonat, dhe veçanërisht aplikacionet në to, janë krijuar për të na bërë të varur për të shpenzuar sa më shumë kohë në to.
Pikërisht në këtë mënyrë telefoni juaj po ju vret krijimtarinë. Mbingarkesa e trurit po vret kreativitetin.
Ne e kapim telefonin tonë pothuajse çdo moment që nuk kemi asgjë për të bërë, sepse është e lehtë dhe e kemi bërë zakon.
Sa herë që presim, ashensorin, autobusin, ardhjen e mikut ose thjesht për të humbur kohë ndërmjet aktiviteteve: telefoni ynë është aty për të na bërë shoqëri.
Kjo do të thotë se truri ynë është gjithmonë i stimuluar dhe nuk ka ‘momente të lira’ për të reflektuar mbi gjërat që sapo kemi lexuar, dëgjuar ose punuar.
Mbi stimulimi çon në mbingarkesë të trurit, duke ju bërë të paaftë për të ruajtur informacionin ose për ta përpunuar atë në një mënyrë që e bën atë të dobishëm.
Mbingarkesa e trurit ju heq mundësinë të zgjidhni në mënyrë efektive problemet, të dilni me ide të reja dhe thjesht të përqendroheni në përgjithësi.
