Autore: Jona Kelmendi
Të shtënat me armë zjarri, tronditën pejanët mëngjesin e së dielës.
Kjo meqë para lokalit të tij, mbeti i plagosur personi me inicialet J.B.
E gjithë ngjarja ndodhi në këtë vend në rrugën “Adem Jashari” në Pejë.
Pas plagosjes, J.B fillimisht u transportua me urgjencë në spitalin e Pejës.
E më pas në Qendrën Klinike Universitare në Prishtinë.
Nga QKUK thonë se i plagosuri është jashtë rrezikut për jetë.
“Pas trajtimit në spitalin rajonal të Pejës, trajtimi ka qenë adekuat dhe ka qenë në gjendje stabile ka ardh në gjendje stabile është vazhduar me ekzaminimet e mëtutjeshme dhe është transferuar në klinikën e ortopedisë në gjendje stabile”, tha mjekja Dafina Basholli.
Më të ndodhur rasti, në vendngjarje dolën organet e rendit.
Nga policia thonë se personat e dyshuar, arritën të ikin nga vendi ngjarjes.
“Sot rreth orës 09:55, Policia është njoftuar se në rrugën “Adem Jashari” në Pejë, ka ndodhur një rast plagosje me armë zjarri, Policia menjëherë kanë dalë në vendin e ngjarjes, personi i plagosur është dërguar në emergjencën e spitalit në Pejë, dhe për shkak të natyrës së lëndimeve dërgohet në QKUK,Prishtinë, personat e dyshuar janë larguar nga vendi i ngjarjes në drejtim të panjohur”, njoftoi Policia.
E për identifikimin e të dyshuarve, thonë se po punojnë në Prokurorinë Themelore të Pejës.
“Me të pranuar informatën për gjuajtje me armë zjarri, në vendin e ngjarjes kanë dalë menjëherë Policia e Kosovës, më pas ka dalë edhe prokurori i krimeve të renda ku në vendin e ngjarjes përveç policisë së Kosovës, prokurori i shtetit ka autorizuar që të grumbullohen provat që do të shërbejnë në këtë procedurë penale, njëkohësisht është sekuestruar një automjet i cili dyshohet së është përdorur nga të dyshuarit ndërkaq jemi duke punuar intensivisht për identifikimin dhe lokalizimin e personave të dyshuar”, tha Shkodran Nikçi, zëdhënës i Prokurorisë.
Ndryshe, ende nuk dihet motivet që quan deri tek ky rast.
