Mëngjesi i sotëm ishte tragjik për dy persona nga Deçani.
Kjo pasi ata u përfshinë në një aksident me fatalitet i cili ndodhi në magjistralen Pejë – Prishtinë, saktësisht në fshatin Zajm të Klinës.
Dy persona të tjerë pësuan lëndime.
Nё kёtё aksident ishin tё përfshira njё kamion, njё kombi dhe njё veturё me targa vendore.
Me urdhër të Prokurorit të Shetit trupat e pajetë janë dërguar në Institutin e Mjekësisë Ligjore për obduksion.
E personat e lënduar u dërguan për trajtim në Spitalin e Pejës.
“Pas trajtimit të ofruar nga ekipi ynë mjekësor, pacientët janë liruar nga spitali në gjendje stabile shëndetësore”, thuhet nga Spitali i Pejës.
Detaje rreth këtij aksidenti dha edhe Policia e Kosovës.
“Rreth orës 05:00, Policia është informuar për një aksident trafiku i cili ka ndodhur në magjistralen Pejё-Prishtinё, nё fshatin Zajm.Nё vendin e ngjarjes kanё dalё njёsitet kompetente tё Njësitit Rajonal tё Komunikacionit Rrugor, emergjenca dhe njёsiti i zjarrfiksёve”.
Hetimet për këtë ngjarje tragjike po vazhdojnë nga Njësia e Hetimeve të Aksidenteve.
