Ditët e nxehta dhe me diell i vënë njerëzit më shumë në rrezik për djegie nga dielli, por kjo nuk është vetëm një shqetësim afatshkurtër.
Antony Young, profesor i fotobiologjisë eksperimentale në King’s College London, paralajmëron se shumica e dëmeve të shkaktuara nga rrezatimi ultravjollcë nuk janë të dukshme për syrin e lirë.
Kanceri i lëkurës është një efekt i vonuar, që mund të zgjasë 20 vjet, sipas Young.
“Ajo që ne shohim, zakonisht gjashtë deri në 24 orë më vonë, është djegie nga dielli. Por kjo është vetëm një manifestimi klinik i një sasie të madhe dëmtimi që fillon të ndodhë sapo ta ekspozoni lëkurën tuaj në diell”.
“Për shkak se ne nuk i riparojmë të gjitha dëmtimet, ne kemi ndryshime thelbësore në ADN-në tonë në lëkurë që janë pararendësit e kancerit të lëkurës. Pothuajse të gjitha kanceret e lëkurës shkaktohen nga ekspozimi ndaj rrezeve të diellit”.
Ekspozimi ndaj rrezeve ultravjollcë të diellit gjithashtu mund të përshpejtojë plakjen e dukshme të lëkurës dhe të shkaktojë rrudha më të thella.
