Intervenimi i NATO-s kundër forcave serbe, u bë pa miratimin e Këshillit të Sigurimit. Operacioni ishte cilësuar si humanitar.
Profesori, Milazim Krasniqi thotë për intervenimin e NATO-s kundër Serbisë më shumë ka qenë i organizuar Grupi i Kontakti.
“Më së shumti ka qenë i organizuar Grupi i Kontaktit, një grup i shteteve të fuqishme dhe që janë munduar ta frenojnë këtë projekt gjenocidal. Normalisht, Këshilli i Sigurimit ka qenë i angazhuar por ka qenë i bllokuar nga veto ruse, prandaj e vetmja shanse për ta ndal spastrimin etnik dhe gjenocidin ka qenë dhënia e autorizimin për bombardimit pa lejen e Këshillit të Sigurimit. Në të drejtën ndërkombëtare kjo ka qenë e lejuar, pasi në Kosovë një krizë humanitare gjë që është reflektuar edhe në rezolutën 1244”, ka thënë Krasniqi.
Ajo se çfarë po ndodhte në Kosovë, e nxori në ekran edhe vet ish-presidentin amerikan, Bill Clinton.
“Tani, forcat serbe, kanë filluar të lëvizin nga fshati në fshat, duke bombarduar civilët dhe duke djegur shtëpitë e tyre. Ne kemi parë njerëz të pafajshëm që marren nga shtëpitë e tyre, detyrohen të gjunjëzohen në tokë dhe ekzekutohen me plumba. Kjo nuk është luftë në kuptimin tradicional, është një sulm me tanke dhe artileri ndaj një populli kryesisht të pambrojtur, udhëheqësit e të cilëve tashmë kanë rënë dakord për paqen.”, kishte thënë Clinton.
E gjithë kjo fushatë, u cilësua si një ndërhyrje humanitare.
Por, 25 vjet me vonë, Rusia dhe Kina, tentuan që edhe një herë këtë diskutim ta rikthejnë në tryezën e Këshillit të Sigurimit.
Kjo pasi shteti rus, po insiston se kishte shkelje të madhe të ligjit ndërkombëtar.
E i menjëhershëm, ishte reagimi i Shteteve të Bashkuara të Amerikës.
“Abstenuam për shkak të qasjes së Rusisë. Ne mund të mbështesim një takim në një format të duhur që adreson ngjarjet e vitit 1999. Nuk mund të mbështesim një takim që haptas instrumentalizon ngjarjet tragjike të shekullit të kaluar për të çuar përpara një fushatë propaganduese”
E fat të mirë që ky propozim u refuzua, po e cilëson profesori unveristar, Milazim Krasniqi.
Shtetet aleate që abstenuan në diskutimin për këtë, i falënderoi kryediplomatja kosovare, Donika Gërvalla.
Kjo e fundit tha se Rusia po përpiqet ta ngrejë një paralele në mes të ndërhyrjes së NATO-s dhe luftës në Ukrainë.
