Këto barrikada kanë bllokuar lëvizjen e lire të automjeteve e qytetarëve në veri të Kosovës.
Edhe pse nga Shtetet e Bashkuara të Amerikës e Bashkimi Evropian është kërkuar që të largohen këto bllokada një gjë e tillë akoma nuk ka ndodhur.
E sipas ish ministrit të Punëve të Brendshme, Ekrem Mustafa, institucionet e Kosovës duhet t’iu japin një afat të caktuar serbëve që kanë vendosur këto makineri.
Mustafa tregon se si kishte vepruar në një situatë të njejtë, gjatë kohës sa ishte ministër.
Ndërsa sipas anëtarit në komisionin për çështje të sigurisë dhe mbrojtjes, Hisen Berisha, qetësim i situatës varet nga veprimet e Qeverisë së Kosovës.
Të dielën pas takimit të Këshillit të Sigurisë së Kosovës, kryeministri Kurti bëri të ditur se po pret që KFOR-i të largojë barrikadat në rrugët e bllokuara në veri.
Televizioni ka pyetur edhe KFOR-in për këtë çështje, por të njëjtit nuk kanë dhënë detaje për veprimet që pritet t’i ndërmarrin në largimin e barrikadave.
Kronika e gazetares Doresa Geci.
