Ky në foto është Besim Berisha.
Si 23 vjeçar ai ishte rreshtuar krahë ushtarëve të Ushtrisë Çlirimtare të Kosovës, dhe në luftën për liri ra dëshmor.
Bashkë me të në luftë, ishte edhe vëllau i tij, Blerim Berisha.
Si veteran dhe familjar dëshmori, 16 shtatorin e përjetoi rëndë.
“Ky vendim, mu si familje m’u ka dok si me qenë vrasje e dytë e vëllaut tim. E kemi përjetu shumë rëndë. Dhe në përgjithësi familjet e dëshmorëve, invalidëve e veteranë, e po besoj edhe në përgjithësi populli shqiptar, ai që e ndjen veten shqiptar e ka ndi këtë vendim mjaftë të rëndë. Sepse na, Kosova kemi bo luftë të drejtë çlirimtare”, ka thënë familjari i dëshmori, Blerim Berisha.
Për të, e papranueshme ishte edhe thirrja në emër të popullit të Kosovës përpara shqiptimit të dënimit ndaj secilit prej katërshes së UÇK-së.
“Kosova dhe diaspora, krejt janë çu në kamë me i përkrahë çlirimtarët. E këta thojnë në emër të popullit. Cilit popull? Në emër timin, të familjes sime, jo. Në emër të popullit të Kosovës, jo. Kjo është Gjykatë politike, e cila gjykatë u furnizu me dokumente fallco nga Serbia, Beogradi dhe disa spiunë tonë fatkeqësisht kishim pasë kogja shumë”, ka thënë tutje familjari i dëshmori, Blerim Berisha.
Sipas veteranit Berisha, vendimi i Hagës ka mundësi që të keqpërdoret nga Serbia.
“Ky vendim e dëmton luftës sepse tash Serbia e përdor në qarqet dhe aleatët e saj, që gjoja udhëheqja e Kosovës, luftës çlirimtare, janë kriminelë dhe ka bo krime”, ka përfunduar Berisha.
Mes tjerash, Berisha, theksoi se i gjithë populli duhet të kundërshtojë njëzëri aktgjykimin dënues ndaj katërshes së UÇK-së.
