Dhimbjen nuk po mund ta fsheh. Mes lotëve, Milaim Ademaj po pret mysafirët për ngushëllime për nipin dhe nusen e djalit.
26-vjeçarja dhe djali i saj 5-vjeçari humben jetën pas vërshimeve të së shtunës në lagjen “Asllan Çeshme” në Pejë.
E gjithë ngjarja ndodhi brenda pak minutash sipas kryefamiljarit Milaim Ademaj.
Nipin 5-vjeçar e kishin gjetur pa shenja jetë në shtëpinë e komshiut të tyre.
E 26-vjeçarja ishte gjetur dy shtëpi më larg pas disa orëve kërkimesh.
Vetura në kanale, shtëpi të dëmtuara, e rrugë më zall ishin pamje e disa nga lagjeve në qytetin e Pejës një ditë pas vërshimeve.
Dëme deri në 30 mijë euro iu shkaktuan familjes Muriqi e cila kishte një biznese familjarë.
Ndërsa banoret e lagjes “Asllan Çeshme” thonë se një nga arsyet e kësaj gjendje është edhe rruga e cila ka filluar të rregullohet që dy vite por ende nuk është përfunduar.
Ndërsa nga Komuna e Pejës, mohojnë se arsye e këtyre vërshimeve është rruga e paasfaltuar.
Gjatë ditës së diele, operator të ndryshëm ekonomik të aranzhuar nga komuna e Pejës kishin dal të pastronin rrugët.
Derisa nga Komuna bënë të ditur se gjatë ditëve në vijmë do të dalin ekipet në terren për të vlerësuar dëmet.
Kronika e gazetares Doresa Geci.
