Kryetari i Komunës së Hanit të Elezit, Mehmet Ballazhi, ka thënë se do të kandidojë edhe për një mandate në zgjedhjet e ardhshme lokale për kryetar të kësaj komune.
Ai ka thënë se me vizionin që ka për zhvillimin e komunës një mandat është pak dhe për këtë e kërkon edhe të dytin.
“Unë në plan e kam me kandiduar edhe për një mandate, varët qytetarët a ma vazhdojnë mandatin. Për objektivat që kam për ta zhvilluar Hanin e Elezit mendojë që një mandat është shumë pak”, ka thënë ai në emisionin “Herët” në Tëvë1.
Ballazi ka treguar edhe për historikun e emrin që ka ky qytet.
Ai ka thënë se emri ka mbetur nga një person i quajtur Elez e që kishte një han- bujtinë, ku kjo pjesë nuk ishte vendbanim.
“Ka qenë një person i quajtur Elez, i cili ka pas një han – bujtinë. Kur s’ka qenë vendbanim, ka qenë ai hani në të cilin kanë qëndruar njerëzit. Me ndërtimin e fabrikës së çimentos diku në 1936 ka fillu me u popullua kjo pjesë”, ka thënë ai.
