Faza grupore e Ligës së Kampionëve 2024/25 ka përfunduar sipas formatit të ri të UEFA-s, i cili për herë të parë përdori sistem të ngjashëm me “Swiss League”. Në këtë sistem, 36 ekipe luajtën secila nga tetë ndeshje kundër kundërshtarëve të ndryshëm, pa ndarje në grupe.
Pas përfundimit të kësaj faze, tetë ekipet më të mira kaluan automatikisht në raundin e 1/8-ës, ndërsa ekipet e renditura nga vendi i nëntë deri në të 24-tin do të luajnë në plejof për të siguruar vend në fazën tjetër të eliminimit direkt.
Ekipet që kaluan direkt në raundin e 1/8-ës janë: Liverpool, Barcelona, Arsenal, Inter, Atletico Madrid, Bayer Leverkusen, Lille dhe Aston Villa.
Ndërkohë, ekipet që do të luajnë në fazën e plejofit janë: Atalanta, Borussia Dortmund, Real Madrid, Bayern, Milan, PSV, PSG, Benfica, Monaco, Brest, Feyenoord, Juventus, Celtic, Manchester City, Sporting dhe Club Brugge.
Shorti për fazën e plejofit do të hidhet më 31 janar (nesër) në Nyon. Do të ketë sistem të veçantë shorti ku ekipet e renditura në vendet 9-16 do të përballen me ekipet e renditura në vendet 17-24. Një nga përballjet më interesante pritet të jetë ajo mes Real Madridit ose Bayern Munich ndaj Manchester Cityt ose Celticut.
Përballjet e plejofit:
- Monaco dhe Bresti do të luajnë me njërën nga PSG-ja dhe Benfica (fituesit do të përballen me Liverpoolin respektivisht Barcelonën *përcaktohet me short)
- Sporting dhe Club Brugge do të luajnë me njërën nga Atalanta dhe Borussia Dortmund (fituesit do të përballen me Lille respektivisht Aston Villën *përcaktohet me short)
- Celtic dhe Manchester City do të luajnë me njërën nga Real Madridi dhe Bayerni (fituesit do të përballen me Atletico Madrid respektivisht Bayer Leverkusenin *përcaktohet me short)
- Feyenoord dhe Juventusi do të luajnë me njërën nga Milan dhe PSV-ja (fituesit do të përballen me Arsenalin respektivisht Interin *përcaktohet me short)
Ndeshjet e para të plejofit do të zhvillohen më 11 dhe 12 shkurt, ndërsa ndeshjet e kthimit më 18 dhe 19 shkurt. Raundi i 1/8-ës do të luhet më 4-5 dhe 11-12 mars.
