Shpërndarja e kifleve nëpër shkolla filloi qysh në vitin 2015.
Derisa me fillimin e pandemisë, kur në shumicën e shkollave mësimi u zhvillua në distancë, ky proces u ndërpre.
Por të nevojshme rikthimin e shpërndarjes së shujtave po e shohin disa nga drejtuesit e shkollave në kryeqytet e nga këshilli i prindërve.
Por, shkolla fillore “Emin Duraku”, në kryeqytet shihet të mos e ketë këtë problem, meqë nga tetori i vitit të kaluar kanë kuzhinë brenda objektit.
Por një zgjidhje të tillë nuk mund ta ketë shkolla fillore “Ismail Qemaili”.
Nga drejtoria në këtë shkollë thonë se duhet të rikthehen shujtat.
Megjithatë, drejtoresha e Arsimit, në komunën e Prishtinës, Besianë Musmurati përmes një përgjigje elektronike tha se janë në proces të përgatitjes së planit.
“Aktualisht, jemi në proces të përgatitjes së draft/planit për shujtat e nxënësve. Për detaje tjera ju njoftojmë në momentin që përfundon procesi”, ka thënë ajo.
Aktualisht në vend, disa komuna vazhdojnë të shpërndajnë shujta ushqimore për nxënësit nga klasa e parë deri në të 5-ën.
Kronika e realizuar nga gazetarja Lendrina Kodrolli
