Reshjet e mëdha të shiut që kanë rënë në vend kanë ndikuar që të shtyhet fillimi i korrje shirjeve.
Në takimin e mbajtur nga përfaqësues të Ministrisë së Bujqësisë, drejtorive komunale dhe Shoqatës së Mullistëve u është bërë thirrje bujqve të mos fillohet me korrje shirjet para pjekjes së plotë të grurit.
“Gjatë këtij takimi, palët e përfshira në këtë proces u pajtuan që të mos fillohet me korrje shirjet para pjekjes se plotë të grurit, e krahas kësaj edhe drejtoritë Komunale për Bujqësi të raportojnë në MBPZHR, gjegjësisht tek Komisioni qendror për monitorimin e korrje-shirjeve për vitin 2023, të paktën një herë brenda javës lidhur me ecurinë e korrje-shirjeve në komunat e tyre”, thuhet në komunikatën e ministrisë.
Në takim është disktuar edhe për çmimin e korrjes së grurit ku është vlerësuar se 130 euor për hektarë është i rea;
“Bazuar në çmimin aktual të derivateve të naftës, pjesëve rezervë të autokombajnave, si dhe gjendjes së zhvillimit të grunajave, MBPZHR-ja, përfaqësuesit e DKB-ve dhe përfaqësuesit e Shoqatës së Mullisëve, sugjerojnë/propozojnë se çmimi real i korrje-shirjeve për vitin 2023 do të ishte 130 euro/ha (nënkuptohet se çmimi i korrje-shirjeve caktohet me marrëveshjen në mes të fermerëve dhe autokombajnerëve)”
Në gjithë territorin e Republikës së Kosovës, në kuadër të mbjelljeve vjeshtore të vitit 2022 me kulturën e grurit është mbjellë një sipërfaqe prej 71,008.20 hektarë./teve1.info/
