Derbi i xhiros së 13-të në Superligën e Kosovës në futboll ndërmjet Dritës dhe Prishtinës, është shtyrë për kohë të pacaktuar.
Në fakt, kjo ndeshje është dashur të zhvillohet të hënën prej orës 13:00 në Gjilan, por Drita ka njoftuar e ka kërkuar shtyrjen e saj për arsye të forta.
Drita ka bërë të ditur se ftesat që i kanë marrë dy futbollistët e saj nga Kombëtaret e tyre, kanë bërë që përballja me Prishtinën të shtyhet për afat të pacaktuar.
Portieri Faton Maloku do të grumbullohet me Kombëtaren e Kosovës për ndeshjet e këtij muaji, sikurse edhe Ibrahim Salifu, i cili është ftuar nga Benini.
Në njoftimin për shtyrjen e ndeshjes me Prishtinën, Drita u ka uruar suksese të dy futbollistëve të saj në përfaqësimin e vendeve të tyre.
