“Në emër të vllaznillakut, ta kemi fal gjakun e ishalla nuk ndodh mo”
Këto duar u shtrënguan pas më shumë se 20 vjetesh.
Sadik Gashi me familjarët e tjerë, nga fshati Dobërdol i Podujevës e falën gjakun e vëllaut të vrarë.
E dorën e pajtimit e pranuan familja e Milazimit nga i njëjti fshat.
Pajtimi i tyre u bë në shtëpinë e Samet Arifit në këtë komunë.
Ai tha se me familjet ka folur për një kohë të gjatë për t’i pajtuar.
Për këtë hap, i përgëzoi edhe kryetari i Bashkësisë Islame në këtë komunë, Mensur Hoti.
Ai tha se falja është e shenjtë për besimtarët.
E kryetari i Këshillit të Pajtimit në Podujevë, Bajram Blaku thotë se pajtimi ka qenë rruga më e mirë për të dy familjet.
Familjet dolën me urata për njëri tjetrin, që raste të tilla të mos përsëriten.
