Numri i ekipeve të Policisë së Kosovës është rritur në pjesën e Zveçanit dhe të Leposaviqit.
Kështu bënë të ditur ekipi i Tëvë1, të cilët janë prezent në veri.
Gazetari, Arton Rama, thotë se pesë autoblinda të Policisë së Kosovës kanë hyrë në fshatin Banjskë.
“Ekipe të Policisë së Kosovës tashmë janë shtuar në pjesën e Zveçanit dhe të Leposaviqit, pesë autoblinda të Policisë së Kosovës janë parë para pak minutave duke hyrë në fshatin Bansjkë, aty ku ka ndodhur krimi ndaj policit të Kosovës”, tha ai në edicionin special në Tëvë1.
Gjithashtu, dhjetëra ekipe të shtuara kanë shkuar edhe në drejtim të Komunës së Leposaviqit.
“I gjithë kjo po ndodh që sipas informacioneve tona është duke vazhduar aksioni për kapjen e disa prej anëtarëve që besohet të ketë ikur”, raportoi Rama./teve1.info/
